قصة قربان الشيطان (كامله)

الجزء الثالث والاخير

كلام سالم الدجال كان بينزل عليا زي الثلج لما قال الصدمه الي بيعيش فيها الشخص لما بيعرف ان اقرب ناس ليه هما سبب اذيته بتكون صدمه كبيره جدا ساعات مش بنستحمل او مش بنصدق بمعني اصح ان الي عمل فينا كده ده كان كل حاجه في حياتنا

بعد ما جدودك كلهم ماتوا بسبب لعنه اتفتحت عليهم بسبب عزيمه غلط انا قريتها… ناقر كان عامل بالنسبه لعيلتك زي الشوك كل ما يموت جد يطلع ناقر للوريث ويطلب منه قرابين فيه من جدودك الي وافق وفيه الي رفض ومصير الاتنين الموت لان الجن عمره ما بيوفي بوعده مع بشر

لحد ما جيه الدور علي ابوك…. معرفش عرف يوصلي ازاي جالي وطلب مني المساعده في الاول رفضت… لكنه اترجاني وقالي انه عنده ولد عايز يربيه……. وافقت ورحنا انا وابوك عند قبر وسط المقابر الجن كان واخد القبر ده ملجأ عشان يستلم فيه القرابين… وفتحنا الكتاب الي مليان طلاسم وعزايم وقولت اقسمت عليكم يا ملوك الجن السفلي بحق من رفض السجود وادعي الخلود بحق النار والنيران اوقفوا سفك الدماء وفضلت اعيد انا وابوك في نفس الطلسم ووقتها سمعنا صرخات كتير جايه من جوا القبر… وحسينا الارض بتتهز جرينا… فضلنا نجري لحد ما خرجنا بره… ومن بعدها اختفي ناقر لكن… لكن اي اتكلم في حد عرف الموضوع ده وقرر يفتحه تاني الطمع عماه وخلاه ميشوفش قدامه غير المقبره الاثريه بس الشخص ده معرفش الي حصل زمان وعشان كده قرا نفس العزيمه الي رجعت ناقر من تاني…. لما الجن ناقر رجع طلب من ابوك قربان وابوك رفض لكن الي حضر الجن قدر يتواصل معاه ووعده بقرابين مقابل فتح المقبره… ومكنش فاضل غير اقناعك انت برجوعك لبيت الصعيد.. الجن وعد ابوك انك لو رجعت بيت الصعيد هيرحمه وهيسيبه يعيش لكن زي ما قولتلك الجن مش بيوفي بوعده مع بشر…. بمجرد ابوك ما اقنعك قتله… وانت رجعت بيت الصعيد ورجعت القرابين تتقدم من تاني… صوت الصراخ الي كنت بتسمعه كل ليله كان صوت صراخ الاطفال الي كانوا بيتقدموا كقرابين للجن…. قولتله انت حكتلي كل ده ومجوبتش علي اهم سؤال مين الي عمل فينا كده ورجع الجن تانى…. قالي فكر…. صرخت فيه وقولتله انا خلاص معنديش عقل عشان افكر هتقولي مين والا اخليك تحصل الي راحوا…. ضحك وقالي مش هتستفيد حاجه من موتي بالعكس حيرتك هتزيد والمشكله هتكبر…. قولتله ارجوك انا لازم افهم واعرف قالي انا هريحك بس مش هقولهالك صريحه عشان لو اتكلمت هتأذي من الاسياد انا قربلك الصوره الي عمل فيك كده ست قولتله ست قالي اه قولتله مفيش غير 3 في العيله امي ومراتي وعمتي….. قالي فكر بقي مين فيهم

……..

فضلت ساكت شويه بفكر وافتكر في مواقف ركبت عربيتي واتحركت… وانا دماغي خلاص هتنفجر مين بس مين اصعب حاجه في الدنيا دي الشك اكتر حاجه بتهد في الدنيا دي الشك… لكن في لحظه الصوره اتضحت قدام عينيا لما سألت نفسي سؤال مين الي كان مصمم اني اروح البيت ده… مين لما المحامي حاول يمنعني قلتلي ده بيضحك عليك وطمعان في الميراث… نهله ايوه نهله مراتي زودت سرعه العربيه وانا بقول يارب اكون ظلمها… وصلت هناك كانت الساعه 1 بليل الجو برد بطريقه فظيعه… فتحت باب الببت عشان ادخل لكن سمعت صوت صراخ جاي من البدروم…. اخدت خطوتين لورا بسرعه ونزلت البدروم… لقيت نجمه خماسيه كبير وفي وسطها عيالي وواقفه نهله من فوق عند راسهم وماسكه في ايدها سكين

……

جريت عليها وقولتلها انتي مجنونه هتعملي اي في العيال… قلتلي خلاص مش فاضل غير خطوه واحده علي فتح المقبره الاثريه… خلاص بس ناقر طالب عيالنا قرابين…. رديت عليها وقولتلها وانتي وافقتي الدهب اغلي عندك من عيالك…. قلتلي من فتره مش كبيره كنت عند بيت اهلك بساعد حماتي في الشغل وسمعت حمايا بيتكلم في التليفون مع حد عن المقبره واللعنه وفهمت كل حاجه… استنيت ابوك خرج من اوضته ودخلت عشان اخد الكتاب واخدته وخبيته…. واستنيت شويه لحد ما والدتك نامت وفتحت الكتاب وقريت العزيمه الي قال عليها ابوك… حسيت بكهربا ضربت في جسمي ونار بتحرقني… ومن يومها والمشاكل ابتدت المخلوق بقا يظهرلي في كل مكان وقالي انه هيتنقم من ابوك وهيرجع عشان اتم معاه العهد اسلمه قرابين مقابل فتح المقبره… ومن يوم ما جينا البلد دي وانا بسلمه قرابين عيال صغيره وخلاص باقي اخر شرط عيالنا وبس يا عمر

……

قولتلها انتي مجنونه انتي مكانك المستشفى… في اللحظه دي دخل الدجال سالم علينا عشان يحكي لنهله الي هيا مش فهماه وقالها ناقر جن ملهوش علاقه بالاثار… ناقر جن سفلي بيتغذي علي الدم البشري عشان يعرف يعيش وبيستغل غباء البشر في تقديم القرابين… وفضلنا انا وسالم نقنع فيها عشان ناخد منها الكتاب… لحد ما اخيرا وافقت بعد ما سالم قالها في عزيمه هتساعد عاي فتح المقبره بس لازم نصرف ناقر الاول… واخدنا الكتاب وفتحه سالم وقال اقسمت عليكم يا ملوك الجن السفلي بحق من رفض السجود وادعي الخلود بحق النار والنيران اوقفوا سفك الدماء… صرخات ضربت المكان كله البيت كأنه فيه زلزال البابان والشبابيك بتترزع وبعدها ساد الصمت

…..

قلب سالم في الكتاب وقال اقسمت عليكم يا ملوك الارض وعشائر الجن الناري الذي لا يوجد في قوته اشعلوا لنا شعاع المقبره افتحوا لنا كنوز الارض.. بحق الملك الاعظم اطيعوا.. هزه خفيفه في الارض حسينا بيها ومن بعدها شوفنا المقبره بتتفتح… لقيت نهله بتقول اخيرا اتفتحت المقبره وقربت منها… قولتلها اه اخيرا وقربت منها وقولتلها مش كنتي عاوزه الدهب يلا بقي روحيله وبكل قوتي زقيتها جوه المقبره… لقيت سالم هيجري مسكته من هدومه وهو كانت صحته علي قده بقي يقولي ارحمني ارجوك… قولتله انت السبب في موت عيلتي بغبائك ولازم تموت وزقيته هو كمان… وكنت سامع صوت صرخاتهم وقفلت عليهم باب المقبره وخرجت واخدت امي وعيالي ورجعت من تاني لحياتي في القاهره

…..

تمت